Por konkluir el livro "Estado Judio", Herzl eskrivio : "Dunkue, yo kreo ke una maraviosa generasion de judios, los Makabeos, sussitaron ainda. Mozotros vamos a la fin bevir komo ombres liberos, en moestro proprio pays y morir pasiblemente en moestra propria tierra" Di falto al momento de terminar el primer kongresso sionistiko ke tuvo logar en Bâle en el anio 1897, uno de los mas aidados de los delegados si exklamo kon entuziasmo : "THE SIPIRIT OF THE MAKABIES IS STILL ALIVE". Avlando siempre de Herzl, en una de las paredes de su kaza en Vienna, avia un tablo pintado por el famozo pintador Yeouda Epstein : "LOS MAKABEOS", en un stile patetiko neo-klassisismo : Mattatiaou kon sus kino ijos en Modin, al momento de la rivolta.
El 31 decembre 1897, en uno de sus artikolos publikado en su journal, "Die Welt" en l'occasion de la fiesta de Hanoucca, Herzl publiko la Hanoukia, en forma de un arvol. Kon este simbolo, Herzl kijo inseniarmos ke es kon el ritorno de los ijos d'Israël a sus vieja patria ke el spirito de los Makabeos renasira. En denguno de los vente y kuatro livros de la Biblia, non topamos evokada denguna allusion a la storia de los Makabeos, ni a los esforzos y sakrifisios ke izieron por la liberasion di Yerushalaim de la invasion de los Sirianos i el retablisimiento del kulto divino en el templo di Yerushalaïm.
El Talmud : "Shabbat folio 21 B, akodra el milagro de una alkusika de azeite onde yevava el sio del Cohen Gadol. Non avla nada de los Kombates y de las victorias de los Makabeos. La rivolta de los Makabeos la topamos evokada en la orassion de la Amida, bacho il titolo de "Al Anissiom veal Apourkan..; bime Mattatia, Cohen Gadol." Rendemos grassias al D. por los milagros y la delivransia ke D. izo en los dias di Mattatia, el Grande Sacerdote en favor del poevlo de Israël.
Komo es possible ke el Talmud keda kayado sovre un kapitolo tanto importante de la storia jodia? Kere iniorar y deshar en lainioransa un spektakolo tanto esmoviente de la istoria de moestro poevlo. La razon paresse sea al fakto ke mientres ke de una parte los ermanos Makabim izieron tanto por liberar la Tierra Santa del enemigo syriano, de l'otra los ermanos Makabim Irkan y Aristobul si izieron la guerra por ambision de governar, dio logar a ke Aristobul yamo al general romano ke se topava en Siria,a su ayudo. Las kosas tornaron mouy mal.
Aristobul foe enkadenado i mandado en las prisiones di Roma, mientres ke Irkan foe nombrado "etnarka" (kapo del poevlo), kon kondision ke tomava el engajamiento de abatir las muarayas de Yerushalaim. Ainsi la storia de Los Makkabeos eskapo en la mas grand trageida. Kon sus manos trosheron el enemigo adientro de kaza. Disde akel tiempo Roma imperial izo del estado jodio una provinsia asta el egsilo de Israël. 12 mille soldados morieron a kavza di esta gerra di ermanos. Esta kondokta de los ultimos Makabeos ekipso toda la gloria ke se avian askuistado. Alorquando Isrël si topa en grande imbarasso interior i esterio, tenemos razon di rogar a D. di protejarmos del fleau de la guerra de ermanos, aspesar las dissensiones al interior del poevlo y mos konseerve el bien inkalkulavle de la pas. Amen. Buena fiesta di Hanouka!